انصار (د سنبلی 22مه)
د طالبانو د حکومت رییس الوزرا ملا محمد حسن اخند د چین او افغانستان ترمنځ د اړیکو د پراختیا هیله څرګنده کړې.
له ارګ څخه په خپره شوې خبرپاڼه کې راغلي چې نوموړي نن د چین د نوي سفیر په پېژند غونډه کې ویلي، دوی په تېرو کلونو کې له چین سره غوره سوداګریزې، اقتصادي او سیاسي اړیکې درلودې او هیله لري چې په دې برخه کې لا کوټلي ګامونه واخیستل شي.
په همدې حال کې د چین نوي سفیر «جاو شینګ» ویلي، هېواد یې د افغانستان خپلواکي، ځمکنۍ بشپړتیا او پرېکړو ته درناوی لري او هېڅ وخت یې په کورنیو چارو کې لاس وهنه نه کوي.
نوموړي ویلي، چین نه غواړي چې افغانستان د خپل نفوذ ساحه وګرځوي او هڅه کوي چې د دواړو هېوادونو ترمنځ د رغنده اړیکو په جوړولو کې خپل رول په ښه بڼه ادا کړي.
تر دې وړاندي «وانګ يي» په کابل کې د چین د سفیر په توګه دنده ترسره کوله.
URL تعقيب: https://www.ansarpress.com/pashto/26961
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني